اتعلمى طريقة سهلة اعملي بيها الايشادو بكل الالوان اللى بتحبيها ووفرى فلوسك

الطريقة 

المكونات اللى هتحتاجيها : 

علبة ايشادو فاضية .

الوان طبيعية .

كحول مركز بنسبة 91% .

معلقة صغيرة .

قطعة قماش قطنية .

كتاب تقيل .

ربع جنيه  فضة.او اى فضة 

طريقة التحضير : 

حطى من 4 لخمس معالق من اى لون طبيعى تفضليه فى طبق صغير و بعدين ضيفى حوالى 4/3 كمية اللون اللى استخدمتيه كحول مركز بنسبة 91 % و قلبى لحد ما يمتزجوا و يبقى قوامهم متوسط ، ضيفى لخليط فى علبة ايشادو نضيفة و معقمة من قبل كده وسيبيه ينشف لحوالى ساعه . بعد مرور الوقت و اما تتأكدى انه خليط اللون و الكحول بقى جاف حطى عليه قطعة قماش قطنية و اضغطى فوقيها بربع جنيه فضة او اى عملة معدنية حجمها مناسب و حطى فوقيهم كتاب تقيل و سيبيه حوالى 4 ساعات علشان يضغط الايشادو كويس ويخليه  يتماسك 

علشان تغيرى فى الوان الايشادو اللى بتحضريه، استخدمى المكونات دى : 

للبنى الفاتح : استخدمى نص معلقة من  نشا الدرة مع معلقة من زبدة الكاكاو و ربع معلقة من زبدة الشيا.

البنى الدهبى : استخدمى نص معلقة من نشا الدرة مع 4/3 معلقة شاى من جوزة الطبيب و نص معلقة من الكركم وزبدة الشيا .

اللون الموف : استخدمى نص معلقة من نشا الدرة مع 4/3 معلقة من مسحوق البنجر المجفف وربع معلقة شاى من زبدة الشيا .

البينك الفاتح : ستخدمى نص معلقة من نشا الدرة و مسحوق البنجر المجفف و 8/1 معلقة من بودرة الكاكاو ونص معلقة من زبدة الشيا .

لو عجبتك الوصفة متنسيش تتابعينا على صفحتنا على الفيس بوك 

الوصفة لكل ست بيت فى مصر